Nuannaarutigilluinnarparput nittartagarput nutaaq www.inuitheritage.gl saqqummiussinnaagatsigu. Maanna nittartakkatsigut Aasivissuit – Nipisat pillugu atuartoqarsinnaalernerannut aningaasaliisut qujassuteqarfigingaarpagut tassaasut Aage V. Jensens Fonde, 15. juni Fonden, Augustinus Fonden, Tips- og Lottomidler minnerunngitsumik Qeqqata Kommunia.
Nittartagaq saqqummersitarput nittartagaannartut taaneqarsinnaanngilaq, tassami nittartakkap saqqummersinneqartup Nunarsuarmioqatigiinnut kingornutassanngortinneqarsimasumut Aasivissuit – Nipisanut inuiaqatigiinnut kulturikkut oqaluttuarisaanikkullu isumaqarluinnartup oqaluttuariniarnerannut tapertaalluinnarpoq. Kingornutassiaqarfimmi Kalaallit Nunaanut tanngassimaarutissaavoq, nittartakkallu nunarsuarmiunut pisuussutigut saqqummiuppai.
Nittartagaq www.inuitheritage.gl suli ineriartortinneqaraluartoq maanna piareertut saqqummiuppagut. Siunissami qanittumi nunap assinga atorlugu piffinni assigiinngitsuni toortaalaaginnarluni nunatatsinni suut takuneqarsinnaanersut saqqummiunneqassaaq. taanna qilanaarnarluinnarpoq, immikkullarissumimmi takusinnaalissavarput oqaluttuarisaanerup iluani kulturit assigiinngitsut qanoq nunamik atuisimanersut.
Nittartakkap piviusunngortinniarneranni tapersersuisugut qujaffigingaarpagut. Aage V. Jensens Fonde, 15. juni Fonden, Augustinus Fonden, Tips- og Lottomidler aamma Qeqqata Kommunia tapersersuingaarneranni una nittargaq piviusunngorpoq.
Aasivissuit – Nipisat kulturikkullu kingornussagut pillugit paasissutissanik nutaanik pissanganarsinnaasunik nittartakkatsinni www.inuitheritage.gl saqqummertoqarnissaanut malinnaagit.
Saqqummersitaq una aallarniutaannaavoq, siunissamik paasisassarsiortuarnitsinni kingornussattalu piujuartinniarneranni nutaanik ikkussillattaartassaagut. Peqatigiilluta Kalaallit Nunaata immikkullarissusaa nunarsuatta sinneranut oqaluttuarisinnaavarput.
Explore the map
Kl 
En
Da
