By Lasse Kyed

Illoqarfiit aqqusaartakkatigoorit

Sisimiut  Kangerlussuaq
main slider overlay

Aasivissuit – Nipisanut tikeraarit

Tikeraat ataqqinnittut

Aasivissuit – Nipisat iluani immikkoortumut tikeraarninni pinngortitamik nunamilu eqqaassutissat siammarsimasunut eqqummaarinninnissannik qinnuivigissavatsigit. Eqqagassaatitit nassartuaannakkit eqqaavissatullu inissinneqarsimasunut igillugit, taamaaliornikkut pinngortitaq mingutsinneqassanngilaq uumasullu atortussanik ulorianaateqartunik nerisaqassanngillat.

Assiliisoq Dorthea Reimer-Johansen

Eqqaassutissat

Eqqaassutissat assigiinngissitaarlutik isikkoqarsinnaapput, nalinginnaanerpaalli tassaapput inussuit, ilivitoqqat, tupeqarfiit, issunik sanaartukkat, talut qimatuliviillu. Takornariartuuguit, eqqaassutissamik naammattoorsiguit 2 meterimik ungasissuseqassaatit, 20 meterinillu ungasitsigalugu tupertornak imaluunniit ikumatsitsinak. Eqqaassutissat nakkutigineratigut kinguaassatsinnut qanganitsanik attatiinnartitseqataassaatit, qajassuussinernullu qutsavigingaarpatsigit.

  • Nunami inussunnik akornusiissanngilatit nutaanilluunniit sanassanngilatit. Najugaqavissunut aqqutissamik takussutissaapput aammalu siusinnerusukkut najuisunit aqqutissiuisuullutik – taamaattumillu pingaarutilerujussuullutillu tammartajaannginnissamut iluaqutaasuullutik.

Ilivitoqaq: Toqusunik matoorilluni ujaqqanik amitsukujuunngorlugu sanaaq. Nalinginnaasumik toqunikup iluarusuutigisassaanut isikkivigittumut inissinneqartarpoq.

Roberto Fortuna-mit: Iliveqarfik ujarappassuaqartumi isikkivigissumilu inissisimasoq, inunnit sanaajusoq.
Roberto Fortuna-mit: Nipisat-ni kristumiut ilerri. Kristumiut upperisaat naapertorlugu ujaqqat amitsukujuunngorlugit kangimut-kitaanut ilioqqakkat.

Tupeqarfiit: Ujaqqat arsatut angitigisut ammaloriusanngorlugit inissititikkat, toqqit sinaakkutaasa tunngatsiffigisartagaanik takutitsisuusut. (Assip tunorlerpaani takuneqarsinnaavoq).

Toqqit: Ini nigallip affaatut ilusilerlugu issunik pukkitsumik iigalik amitsukujuumillu sisamanik teqeqqulimmik isaarialik. (Assip saarlerpaani takuneqarsinnaavoq).

Aasivissuarni. Assiliisoq Laust Løgstrup.

Issunik sanaaq: Issuinnarmik illuliat illup iigai ujaqqanik saattukujuunik issunillu quleriissaarilluni sanaartugaavoq.

Illut sisamanik teqeqquliusinnaapput imaluunniit ammaloqiusaallutik, tassani kulturi sorlermi sanaajunersut apeqqutaaginnarluni, eqqaanilu qaqortuaraq meqqulualinnik ataatsimoortunik takunninnissamut iluatsitsisoqarsinnaavoq, taakkumi attaqarneranik takussutissiisarput.

Piffissap ingerlanerani ujaqqat oqimaassusaasa issut naqiqqaneratigut iikkat nakkaakkiartulertarput.

Nipisani. Assiliisoq Roberto Fortuna.

Talut: Ujaqqat qaleriissaarlugit nigaliup affaatut ilusilikkat. Pallorluni piniakkanit takuneqarsinnaajunnaarluni toqqortoqartarpoq.

Paninnguaq Fleischer-Lyberth-imit: Kangerlussuarmit Sermersuup tungaanut aqqummi Park Ranger Christian Pihlblad Jeremiassen talummik takutitsivoq. Talut sermersuup tungaanut sammipput, tassa aasaanerani tuttut sineriap tungaanut ingerlaarfigisartagaat.

Qimatulivik: Nerisassanik nillataartitsiviulluni ujaqqanik qaleriissaakkanik sanaaq. Issunik aamma sanaajusinnaavoq. Nalinginnaasumik qammamut pioreersumut inissinneqartarpoq.

Aasivissuarni. Assiliisoq Laust Løgstrup.

Instagramimi malinnaaffigitigut

#aasivissuitnipisat   #naturebeing

🇬🇧
New homepage www.inuitheritage.gl

🇬🇱
Nittartagaq nutaaq www.inuitheritage.gl 

#naturebeing #destinationarcticcircle #aasivissuitnipisat
🇬🇱

Takusassaqqilluinnartoq Aasivissuit qulaaniit. Nunarsuarmioqatigiinnut pingaartinneqangaarluni kingornussassanngortinneqarsimasoq Aasivissuit - Nipisat piniarfissuuvoq angisooq. 

🇬🇧
Main keyside Aasivissuit from above. Aasivissuit - Nipisat World Heritage is a huge hunting area.

Explore the map