Aasivissuit – Nipisat nunap assinga iserfissartalik atorlugu oqaluttuarisaanitta ingerlarnga misissoruk, tassani piffissap ingerlanerani nunataq pinngortitarlu qanoq atorneqartarsimasoq ullutsinnilu inuit nunatami pinngortitamik atuinerat paasisaqarfigisinnaavat.
Nuannaarutigalugu nalunaarutigissavarput UNESCO-p nunarsuarmioqatigiinnut kingornutassaqarfik Aasivissuit – Nipisat nittartakkatsinni www.inuitheritage.gl-imi nunap assinga iserfissartalik takuneqarsinnaalermat. Nunap assinga qanoq oqaluttuarisaanermi nunataq pinngortitarlu atorneqarsimanerannik, aamma inuit ullutsinni pinngortitamut suli qanittunnguullutik inuunerannut takunninnissamut immikkut periarfissatsialaavoq.
Nunatami kulturikkut uummaarissup kiisalu itsarnitsat nassaat ullumikkut kulturimik ukiut tusindtilikkaanik oqaluttuarisaanermik attaviliisut ingerlateqqinneqarnissaannik siunertaqartumik nunap assinga suliarineqarpoq. Paasissutissaq ajornannginnerulersinniarlugu takujuminarsinniarlugulu atuisutut misigisat pitsanngorsaataasumik atortunik arlalinnik atuutsitsilertoqarpoq.
Piffissamik aalajangersimasumik toqqaasinnaaneq:
Atuisut nunap assingata imarisaanik piffissanik aalajangersimasunik immikkoortitsisinnaapput, soorlu Saqqaq, Dorset, Thule ullutsinnilu. Taamaasillutik piffissami aalajangersimasumi itsarnitsat nassaat ajornannginnerusumik paasiuminartuutinneqalerput.
Ukiup nikikkiartornerani takussutissaq:
Piffissami ukiup ingerlanerani aasaanerani ukiuuneranilu immikkoortillugit nunataq takuneqarsinnaavoq. Assersuutigalugu nunap assingata tunuliaqutaa ukiuuneranut allanngortinneqarsinnaavoq, takuneqarsinnaalluni kangerlup ilaa sikuinnaasoq tassani qimusserneq, qamuteralanneq ukiumilu piniartarfiit pingaaruteqartut ersersillugit.
Nunap assinga iserfissartalik University of Calgary Canadamiittumi ph.d-nngorniartoq Cecilia Porter suleqatigalugu suliarineqarpoq. Cecilia qanganitsanut ilinniagartuutut aammalu digitaliusumik kulturikkut kingornussassanik ingerlatitseqqiisanermik tunuliaqutaqarpoq. University of Victoria-mit antropoligimi angusarissaartumik bachelogiuvoq aammalu University of Calgary-mit qanganisarsiornermi mastergradiulluni. Ilisimatusarnera digitaliusumik aaqqiissutit nutaaliorfiusutigut kikkunnut tamanut kulturikkut kingornussassanut paasiuminarsaanissamut ukkataqartuuvoq.
Aage V. Jensen Fondemiit, Augustinus Fondemiit, 15. Juni Fondemiit aammalu Qeqqata Kommunianiit tapiisoqarneratigut suliniut piviusunngortinneqarpoq. Tamatuma saniatigut Cecilia Porter Canadami fondeniit tapiiffigineqarpoq. Minnerunngitsumillu najukkami nunaqavissut UNESCO-p nunarsuarmioqatigiinnut kingornussarititaata Aasivissuit – Nipisat atorneqarnera pillugu kulturertik, assit videonillu avitseqatiginnissimapput. Qujamasuffigingaarpagut inuit siulitik assigalugit pinngortitamik atuinerminnik avitseqatigimmatigut.
Neriulluta najukkami nunaqavissut aamma tikeraat UNESCO-p nunarsuarmioqatigiinnut kingornussarititaat Aasivissuit – Nipisat nutaaliaasumik misissuataarsinnaalerneqarnera atorluarlugu nuannaarutigiumaaraat. Nunap assinga takusaruk namminerlu kingornussassanut tunngasut ileqqullu uummaarissut misissuartaarlugit.
Annertunerusumik paasisaqarusukkuit una attavigiuk: Site manager Paninnguaq Fleischer-Lyberth
UNESCO-p nunarsuarmioqatigiinnut kingornussarititaat Aasivissuit – Nipisat, Qeqqata Kommunia.
+299 562810
panf@qeqqata.gl
www.inuitheritage.gl
Explore the map
Kl 
En
Da
