Assersuut pitsaalluinnartoq
2018-imiilli UNESCO Nunarsuarmioqatigiinnut Kingornussassaq
Aasivissuit – Nipisat 2018-imi UNESCO-p nunarsuarmioqatigiinnut kingornussassatut toqqarneqarpoq kiisalu kulturikkut sumiiffittut immikkoortinneqarluni, tamannalu ima isumaqarpoq, siusinnerusukkut kulturit inuillu nunami piusut kulturikkut ileqqutoqqatut aamma inuit inuusut immikkuullarilluinnartumik uppernarsaataasutut akuerineqartut, maanna inuusut imaluunniit peerussimasut. Aasivissuit – Nipisat inuit inoqarsarfiattut, nunamik aamma immamik atuinermik uagut kulturitsinnik sinniisuusutut assersuutissatsialavissuupput, tassani inuk avatangiisinik allanngorarnerit taarserneqarsinnaanngitsunik sunniinerinik mianernartunngorsimavoq.
Ateq
Aasivissuit – Nipisat
UNESCOp nunarsuarmi kingornussassaataa Aasivissuit – Nipisat sumiiffiit pingaarutillit marluusunik atsiussaavoq. Sumiiffiit taakku marluk oqaluttuat sinnerinik aamma oqaluttuanik tigussaanngitsunik imaqarput, taakkualu nunami qaasuitsup killeqarfianiittumi inuit ukiuni 4500-ini tassaniissimanerannik oqaluttuarput.
Aasivissuit isumaqarput ‘aasaanerani aasiffiit’ taamatullu taaguuserneqarsimapput, inuit nuuttartut nunap tiffasissortaani ukiup qanoq ilinerani aalajangersimasuni ilaquttaminnik naapiffigisartagaat eqqorluinnartoq. Sumiiffimmi sinnikut ersersippaat ukiut 4500 kingornamili atorneqarsimasoq, kingullermilu 1950-ikkut naalerneranni kingullermik atorneqarsimasoq.
Nipisat qeqertaarannguuvoq sinerissamiittoq, tassanilu kulturikkut ukiut assigiinngitsut arlallit tassani sinneqarnerat usorsitsaarutigineqarsinnaavoq. Illuliat Saqqaq kulturikkormiut, Thule kulturikkormiut aamma qallunaat sinerissami pisuussutinik assigiinngissitaanernik takussutissaqarput aammalu inuup isumassarseriataallaqqissusaannut uppernarsaataavoq, tamatumani nunami piumasaqaateqarfiusumi najugaqassallutik aalajangeraagamik.
Aqqit taakku marluk toqqarnerisigut nunarsuarmi kingornussassap piffissaq kulturikkut inooriaatsikkullu allanngorarfik atsiunneqarpoq kiisalu inuit atugassarititaasut pinngortitamit aalajangerneqarsimasut qanoq atorsimaneraat sulilu atoraat takutinneqarluni.
Assiliisoq Kristian Kreutzmann
Inunnut pinngortitamullu atugassarititaasut
Nunarsuarmi kingornussassaq inuiattut kinaassutsimik ikorfartuutaatigaluni iluatigitillugu najukkami kingornussap nunarsuarmiunut takutinnera qanorlu attaveqarneranut takutissinnaavaa. Aasivissuit – Nipisat pereersuni maannakkullu kulturip sumiiffinni takuneqarsinnaasut paasissutissiissutiginissaat kiisalu inuit pinngortitallu akornanni attanneqarsinnaassutsimik nangitsinissamut ikorfartuutaapput.
Assiliisoq Lasse Kyed
Aaqqissuussaanerup ilusia
UNESCOp nunarsuarmi kingornussassaasa allattorsimaffiat, Aasivissuiut – Nipisat ilannguffigisimasaa, UNESCO-mit aqunneqarpoq.
Kunngikkormiut Illorsuisa aamma Kulturikkut Aqutsisoqarfiup danskit kunngeqarfianni nunarsuarmi kingornussassat Kalaallit Nunaata aamma Savalimmiut peqataaffigisaat tamaasa nakkutigai, sumiiffinnillu UNESCO-mut attaveqaqatigiinneq isumagalugu.
Kalaallit Nunaanni nunarsuarmioqatigiit kingornussassaat Namminersorlutik Oqartussanik akisussaaffigineqarput, Aasivissuarnullu – Nipisanullu tunngatillugu ’kulturikkut nunatut’ immikkoortinneqarsimallutik, taamaasilluni Ilinniartitaanermut, Kultureqarnermut, Timersornermut Ilageeqarnermullu Ministereqarfik pingaarnertut akisussaasuuvoq.
Qeqqata Kommunia tassaavoq kommuni Aasivissuit – Nipisanik inassuteqartoq aammalu illersuinermut, ingerlatsinermut aamma sumiiffimmi najugalinnut sammisassanik pilersitsinernut akisussaasuulluni.
Aqutsisoqatigiit ukunannga sinniisoqarlutik tunngaviusumik aqutsisuupput;
Qeqqata Kommunianit sisamat:
- Kommunimi qitiusumik aqutsisunit ataaseq (siulittaasoq)
- Sisimiuni aamma Kangerlussuarmi Katersugaasivimmik ataaseq
- Sarfannguani najugaqalernermut allaffissornermik suliaqartoq ataaseq
- Kangerlussuarmi najugaqalernermut allaffissornermik suliaqartoq ataaseq
Kunngikkormiut Illorsuisa aamma Kulturikkut Aqutsisoqarfimmit sinniisoq ataaseq.
Namminersorlutik Oqartussanit sisamat:
- Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmit ataaseq
- Nunanut Allanut Tunngasunut, Atortussiornermut aamma Niuernermut Naalakkersuisoqarfimmit ataaseq
- Nunalerinermut, Imminut Pilersornermut, Nukissiuteqarnermut aamma Avatangiiseqarnermut Naalakkersuisoqarfimmit ataaseq
- Aalisarnermut aamma Aallaaniarnermut Naalakkersuisoqarfimmit ataaseq
Kalaallit Nunaanni Katersugaasimmiit Toqqorsivimmiillu:
- Kulturikkut kingornussassanut immikkoortortaqarfimmit ataaseq.
Sumiiffimmi aqutsisoq Aqutsisoqatigiinnut allatsigalugu.
Aqutsisoqatigiinni Siulittaasoq Qeqqata Kommunianit sinniisuuvoq, taannalu Aasivissuit – Nipisani ulluinnarni Sumiiffimmi Aqutsisumut aamma Sumiiffimmik Nakkutilliisumut qanimut attaveqarpoq.
Explore the map
Kl 
En
Da
