Aningaasaateqarfiit
Nittartakkap piviusunngortinniarneranni tapersersuisugut qujaffigingaarpagut. Aage V. Jensens Fonde, 15. juni Fonden, Augustinus Fonden, Tips- og Lottomidler aamma Qeqqata Kommunia tapersersuingaarneranni una nittargaq piviusunngorpoq.
Sisimiuni Kangerlussuarmilu Katersugaasiviit
Sisimiuni Katersugaasivik Aasivissuit – Nipisanut iluaqutaasorujussuuvoq, tamatumani Sisimiuni aamma Kangerlussuarmi Aasivissuit – Nipisat pillugit oqaluttuat pillugit saqqummersitsisoqartarmat.
Sisimiuni Katersugaasivik saqqummersitaqarpoq, piffissami Saqqaq kulturimiit ukiut matuma siorna 4500 siornamiit ukiuni hundredlinni najukkami aalisakkanik tunisassiulernerup tungaanut.
Silami illullu iluani saqqummersitaqarpoq, taakkunani misigisassarsiorsinnaavutit, tamatumani ukiuunersoq aasaanersorluunniit apeqqutaatinnagu.
Sisimiut & Kangerlussuup Katersugaasiviisa najukkami innuttaasut aamma kulturikkut suliffeqarfiup attuumassuteqartup akuunissaat sulissutigaat, tamatumani pereersut, ullumikkut siunissarlu eqqarsalersitsinerup oqaloqatigiinnerullu saniasigut attumassusiisuupput.
Taamaattumik innersuuppatsit Sisimiut Katersugaasiviata Facebookimi quppernerat pulaaqqullugu, taassuma akuttunngitsumik aaqqissuussinerit, atuartunik pulaartitsinerit aamma najugaqartunik ilisimatusartunillu suleqatigiinnermi suliniutit nutarsarneqartarput.
Katersugaasivik najukkami sammisarpassuaqarpoq najugaqartunillu akuutitsisarluni, kisianni nammineerlutit akuliussinnaavutit Facebookimilu quppernerat imaluunniit internetikkut quppernerat www.sisimiut.museum.gl alakkarlugit.
Assiliisoq Lasse Kyed
Activating Arctic Heritage: UNESCO-p nunarsuarmi kingornussassai pillugit Kalaallit Nunaanni ilisimatusarpoq
Suliniut Carslberg Semper Arden ukiuni 2019-2023-mi ingerlanneqartoq. Kalaallit Nunaanni aamma Danmarkimi katersugaasiviit, UNESCO-mi kattuffiit aamma najukkami katersugaasiviit akornanni suleqatigiinneq aallaavigalugu, suliniummi inoqarfiit attatiinnarniarlugit aamma sinnikut allat piumasaqaatit ilisimatusarfigai.
Suliniummi siunertarineqartoq tassaavoq ilisimatusarnerup Kalaallit Nunaanni najukkami UNESCO-p eqqaaniittunik akuliutsitsinikkut sorlalerneqarnissaa. Suliniut ’kaamisaasuuvoq’ ilisimatusartunik, kikkunnik tamanik, najukkami katersugaasivinnik, takornarianik sammisalinnik aamma najukkami kattuffinnik ataatsimuulersitsisoq kiisalu UNESCO-nik nutaanik ilisimasanik siunissamilu ineriartornermik naligiimmik tunniussivoq.
Assiliisoq Roberto Fortuna
Aasivissuit – Nipisat eqqaani ilisimatusarnermi niuernermi attaveqaatit aamma piffissami oqaluttuarisaanermi 1500-1700 nunaseriaaseq, tassani arfanniarneq, aasiviit, ataatsimoorluni illut aamma nunasiaataalerneq fiisternermik, niuernermik, illernartunik, isumaqatigiinngissutinik, geninik paarlaaqatigiinneq oqaluttuallu allat qitiutinneqarput. Itsarnisarsiuut assaagaanni oqaluttuarisaanermilu misissuinerni suliniut taanna aasiveqartarnerit ineriartornerit qulaajaassavai, kulturikkut naapinneri kinguneri aamma silaannaap pissusaata allanngornerata sunniutai kiisalu inuiaqatigiinni inunni nukissat tigoriaannaat qulaajaassaaq.
Assiliisoq Roberto Fortuna
Atuagassat amerlanerusut:
Grønnow, B., Meldgaard, M. og Nielsen, J. B. 1983. Aasivissuit – The Great Summer Camp. Archaeological, ethnographical and zoo-archaeological studies of a caribou-hunting site in West Greenland. Meddelelser om Grønland, Man & Society, Vol. 5: 96pp.
Aasivissuit – Nipisat piukkussilluni innersuuteqarneq: Inuit Hunting Groung between Ice and Sea.
Assiliisoq Roberto Fortuna
Arctic Circle Business
Arctic Circle Business (ACB) tassaavoq kattuffik politikkikkut pituttorsimanngitsoq, Qeqqata Kommuniani inuussutissarsiortunit pilersinneqarsimasoq. Tassaavoq nunap immikkoortuani aallarnisaasunut suliffeqarfinnullu isaariaq arlaannaannulluunniit attuumassuteqanngitsoq, taassumalu siunertaa tassaavoq inuussutissarsiornermik ineriartortitsineq aamma inuussutissarsiortunut sinniisuuneq.
Inuussutissarsiortunik qanimut aamma ammasumik oqaloqateqarneq tassaapput inuussutissarsiortut najukkamiittut pisariaqartitaannik paasinninneq qulakkeerinerlu, taakkua piviusunngorniassammata. Sumiiffiuvoq najukkamiittut aallarnisarnermi siunnersorneqartarfiat isumassarsiaminnillu ingerlatsiviat. Kattuffik ataatsimiinnerini, attaveqatigiinni aamma aaqqissuussani niuernermik ineriartortitsinermik siuarsaaniartunik, nunatsinni aamma nunani tamalaani peqataasarpoq.
Arctic Circle Business-p Facebookimi quppernera malinnaaffigiuk imaluunniit internetsikkut nittartagaat www.acb.gl alakkaruk.
Assiliisoq Lasse Kyed
Destination Arctic Circle
Destination Arctic Circle (DAC) Arctic Circle Businessip ataaniippoq. Destination Arctic Circle nunap immikkoortuani takornariartitsinerup ineriartornissaa siuarsarnissaalu kisiisa suliarai aammalu kikkunnut tamanut takornariaqarnermik suliaqartumik pituttorsimanngitsumik attaveqaatissaq. Destination Arctic Circle nunap immikkoortuani takornariaqarnerup isumannaatsuunissaata, tapersersornissaata aamma ineriartortinnisaata attanneqarsinnaasuunissaa sulissutigaa, kiisalu taassuma najukkami nunatsinnilu suliffeqarfinnut iluaqutaanissaa sulissutigaa. Salliutinneqartoq pingaartinneqartoq najukkami takornarialerisut suleqatigalugit najukkami pisariaqartinneqartut qulakkeerniarlugit piviusunngortitsinissaq.
Meqqip ataaniippoq kinaassuseq Nature Being aammalu “Kalaallit Nunaanni Misigisassarsiornerup Illoqarfia Pingaarneq”, tamatumani timi atorlugu sammisassarpassuaqarnera peqqutaalluni.
Destination Arctic Circle TravelMartsimi, nalagaaffiit akimorlugit ataatsimiinnerni aamma suliniutini, takornariaqarnermi attaveqatigiinni, paasissutissiissutinik ineriartornermik suliaqarnermik, inuit attaveqatigiittarfianni ussassaarineq, sammisaqartitsinerni pikialaartitsinernilu aaqqissuisutut suliaqartarpoq.
#destinationarcticcircle, #naturebeing, #adventurecapitaofgreenland malinnaaffigikkit, Instagramimi aamma Facebookimi. Uani internetikkut nittartagarput pulaaruk: www.destinationarcticcircle.gl.
Assiliisoq Lasse Kyed
Nunatta Katersugaasivia Allagaateqarfialu
Nunatta Katersugaasivia Allagaateqarfialu Nunatta kulturikkut kingornussassaanut tigussaanngitsunut akisussaasuuvoq aammalu pereersuni eqqaamasanik ataatsimut illersuisuulluni. Allattorsimaffinnut allattuisarput aammalu kulturi tigussaanngitsoq pigisaminniittoq toqqartarlugu kiisalu kattuffinnik eqimattanillu attuumassuteqartunik suleqateqarnissaq piareersartarlugu, taamaalillutik oqariaatsit, isumassarsiat, ilisimasat, iliuutsit, sakkut, inuit pilersitaat, piginnaasat aamma kulturimut tunngasut ersersinnissaat kulturikkut kingornussanut ilaliuttarlugit.
Eqqaassutissiat aalajangersimasut tamarmik 1900-p siorna pilersinneqarsimasutut ullulerneqarsimasut, nammineq (de facto) eriagisassatut napparneqarsimapput. Kalaallit Nunaat qangarnitsanik eqqaassutissarpassuaqarpoq, isinit takuneqarsinnaanngitsut, kisianni nunap qaaniissinnaasut, nunami qaleriissitaartumiissinnaasut imaluunniit qaqqat qaaniissinnaasut. Umiiarnikut aamma sannat immap iluaniittut aamma eqqaassutissatut aalajangersimasutut ilanngunneqarsimapput.
Assaanissanik annertuunik pilersaaruteqartoqarpat, assaanissaq sioqqullugu Nunatta Katersugaasivia attavigineqassaaq, taamaalillutik tassaniittut suliap nakkutiginissaa pillugu siunnersuisinnaaniassammata.
Nittartagaat uaniittoq alakkaruk: nka.gl.
Greenland Visitor Center
Kalaallit Nunaata Paasisassarsiorfik tassaavoq Kalaallit Nunaanni Paasisassarsiorfiit kattuffiat. Taakkua aningaasaliinerit isumagisarpaat kiisalu paasisassarsiorfinnut suleqatigiilersitsillutik, tamatumani najukkami nunanilu tamalaani takornarissanik sullissisut suleqatigalugit.
Kalaallit Nunaata Paasisassarsiorfiit paasisassarsiorfittut arfiniliussatut pilersaarusiukkat, pinngortitaq aamma kulturi immikkuullarissut pillugit ilisimasanik tunniussisussaq, kommunit ataasiakkaat najukkami suliffeqarfinnik takornarialerisunik suleqateqarluni kommunit ataasiakkat takornarianut neqeroorutigisartagaat.
Paasisassarsiorfik siulleq, Ilulissani Kangiata Illorsua ulloq 3. juli 2021 ammarpoq. Maannakkut paasisassarsiorfiit aappassaat Qeqqata Kommunianiittussatut pilersaarusiorneqarpoq pinngortitaq kulturilu Aasivissuit – Nipisat ilaatittussaallugit.
Uani atugaqarnerugit: Greenland Visitor Center – Visitor Greenland
Eqqumiissutiliortut suleqatigineqartartut suleqatillu allat
@Sofie Frydenrejn Johansen, namminersorluni Issittumi Nunanilu avannerlerni landskabsarkitekti illussanillu titartaasartoq.
@Arnajaraq Støvlbæk – eqqumiitsuliortoq, assiliisartoq
imminut ilinniartilluni ilusilersuisartoq.
Andala & co
@Konrad Nuka Godtfredsen & Lisbeth Valgreen – Eqqumiitsuliorneq & oqaluttualiorneq
@Eqqumiitsuliortoq Miki Jacobsen
Explore the map
Kl 
En
Da
