Septemberip 14-iani 2023, Sisimiut Katersugaasiviani UNESCOmi Nunarsuarmioqatigiinnut Kingornussassanngortitaq Aasivissuit – Nipisat pillugu Sisimiut Katersugaasiviani saqqummersitaq nutaaq nuannerluinnartumik ammarneqarpoq. Saqqummersitsinerup oqaluttuarai inuit qanoq pinngortitaq atorlugu issittumi inuuinnarusullutik inuunertik ingerlassimagaat. Aammattaaq takuneqarsinnaapput piffik suli ulloq manna atorlugu inuit imminut suli pissaqartittartut.
Saqqummersitsisoqarnerani alakkaasut oqaloqatigeerujuutaa kalaalliminertuuttut.
Ulloq taanna innutaasut, katersugaasivimmi sulisut suleqataasullu saqqummersitaq puigunaatsumik ammarneqarnerani assilisat uani ilanngunneqarput. Aasivissuit – Nipisat pillugu saqqummersitsinermi sulieqataasut tamarluinnaasa uummammik pisumik kulturikkut pisuussutigut pillugit avitseqarususussimanerannut qutsaviginearput.
Sisimiut Katersugaasiviani B32-imi saqqummersitaq maanna kikkunnulluunniit ammsarfiit nalinginnaasut iluani alakkarneqarsinnaanngorlugu ammarneqarpoq. Katersugaasiviup kajumissaarutigaa saqqummersitsinermi oqaluttuat inuit qanoq pinngortitaq atorlugu issittumi inuuinnarusullutik inuunertik ingerlassimagaat aammattaaq piffik suli ulloq manna tikillugu nunamik atuineq pillugu paasisassarsiorlutik alakkaaqqullugit.
B32-imi saqqummersitaq qimerloorneqarpoq.
Illup iluani saqqummersitsinerup saniatigut aamma Katersugaasiviup silataani allunaariarfiliisoqarpoq, taannalu silami saqqummersitsitaareersut aasaq maanna piareerneqartup, tassa Aasivissuarni tupeqarfik ilaarlugu sananeqarsimasumi ilaatigullu aamma piniarnermi atorneqartut soorlu pullatinut aamma talunut il. il.takutinneqartunut ilaalerpoq. Meeqqat inuusuttullu ilitsersulerlutik allunaariarfimmi misiiliinissaat kajumissaarutigineqarpoq.
Allunaariartarfimmi allunaariaqattaarneq misilinneqarpoq.
Aasivissuit – Nipisat suliamik suliaqartut Sisimiut Qajaq aamma KTI suletaalluarnerannut qujapput. Innutaasunut ammasumik allunaariarfiliinerup Aasivissuit – Nipisat iluani ilaatigut kulturikkut pisuussutitta piujuartinnissaanut alloriarnerit ilagaat. Katersugaasiviup innutaasunut allunaariarfimmik atuilluarnissaat qilanaarivaa taamaallillunilu aamma pisuussutitsinik atuinissamik piarfissiillutik.
Martha Olsen, Aasivissuarnut aavariartarnilikkersaarluni saqqummersitami oqaluttuartinneqartut ilagaat.
Saqqummersitaq Aasivissuit – Nipisani pisimasut pisartullu pillugit siammaaniarnermi suliat ilagaat. saqqummersitsinerlu aningaasaateqarfinnit assigiinngitsunit Qeqqata Kommunianiillu aningaasalerneqarpoq eqqumiitsuliartumillu Arnajaraq Støvlbæk-imit ilusilersorneqarluni. Arnajaraqqamut aningaasaateqarfinnullu qujanarujussuaq. Aningaasaateqarfiit pineartut tassaapput15 June Fonden, Augustinus Foden, Aage V. Jensen’s Fonde aamma Tips- og Lottomidler.
Ataani: Eqqumiitsuliortoq tanngussimaartoq. Arnajaraq Støvlbæk saqqummersitaq ilusilersorlugulu piareersaqataaffigaa.
Explore the map
Kl 
En
Da
